రౌడీ షీటర్లు సత్ప్రవర్తనతో ఉండాలి. ఏసిపి కిషోర్ కుమార్

పిసిడబ్ల్యూ న్యూస్ దామెర ప్రతినిధి: శాంతిభద్రతలకు విఘాతం కలిగిస్తే రౌడీ షీటర్లపై కఠినంగా వ్యవహరిస్తామని పరకాల ఏసీపీ కిషోర్ కుమార్ హెచ్చరించారు. దామెర పోలీస్ స్టేషన్ పరిధిలోని రౌడీ షీటర్లకు ఆదివారం పరకాల ఏసీపి కార్యాలయంలో కిషోర్ కుమార్ కౌన్సిలింగ్ ఇచ్చారు. ఈ సందర్భంగా ఏసీపీ మాట్లాడుతూ రౌడీ షీటర్లు సత్ప్రవర్తనతో జీవించాలని ఎవరైనా రౌడీయిజం చేస్తే కఠిన చర్యలు తప్పవన్నారు. రౌడీయిజం మానేసి సమాజంలో బాధ్యత గల పౌరులుగా ఉండాలన్నారు. ఏసిపి వెంట పరకాల రూరల్ సీఐ మల్లేష్, ఎస్సై కోంక అశోక్ ఉన్నారు.