పరకాల మున్సిపాలిటీ కుర్చీ.. బడా నేతలు కాదు, మామూలు వ్యక్తులే

పరకాల, జనవరి 18 (పిసిడబ్ల్యూ న్యూస్): పరకాల పట్టణంలో మున్సిపాలిటీ కుర్చీపై ఈసారి అసాధారణమైన రాజకీయ వాతావరణం నెలకొంది. ఇప్పటి వరకు పట్టణ అభివృద్ధి, రాజకీయ పట్టుదల, ఓటు బ్యాంకులు—అన్నీ పెద్ద పెద్ద నాయకుల చుట్టూ తిరిగేవి. కానీ ఇప్పుడు పరకాల రాజకీయాల్లో కొత్త తరం అభిప్రాయం స్పష్టంగా కనబడుతోంది: “కుర్చీ మీద హక్కు బడా నేతలది కాదు.. గట్టిగా సేవ చేసిన మామూలు వ్యక్తులదే!”ఇటీవలి రోజులుగా పట్టణంలో వినిపిస్తున్న మాట ఒకటే—“జనరల్ రిజర్వేషన్ వచ్చినా, పార్టీ బలం ఉన్నా, మండు డబ్బులు ఉన్నా.. ఈసారి కుర్చీని మామూలు, నేల మనిషే తాకాలి.”పట్టణంలోని 22 వార్డులలో ప్రజల అభిప్రాయాలు కూడా మార్పు దిశగా సాగుతున్నాయి. గతంలో ఓటు వేయడంలో కులం, పార్టీ, నాయకుడి పేరుగాంచిన ఇమేజ్ పెద్ద పాత్ర పోషించేవి. అయితే ఇప్పుడు ప్రజలు ప్రత్యక్షంగా చూశిన సేవ, రోజూవారీ సమస్యలకు స్పందన, నిజాయితీ—ఇవే ఓటును నిర్ణయించే అంశాలుగా మారుతున్నాయి.పట్టణంలోని పలువురు పెద్దలు, సంఘ నాయకులు కూడా సూటిగా చెబుతున్నారు:“పరకాలంటే ప్రజాసేవకు వేదిక కావాలి. పై నుంచి వచ్చిన నేతలు కాదు.. మన మధ్యన ఉన్న వారే కుర్చీకి సరైన వారయ్యాలి.”గత పాలనల్లో అభివృద్ధి ఉన్నా, లేదన్నా, ఈ సారి ప్రజలు ఒక స్పష్టమైన సందేశం ఇస్తున్నారు. మున్సిపాలిటీ చైర్మన్ కుర్చీ ప్రతిష్టాత్మకమైనది అయినా, దాన్ని ఆక్రమించేది ఇప్పుడు పాత రాజకీయ కుంభకోణాలు కాదు.. వార్డు స్థాయిలో కష్టపడి ఎదిగిన సాదాసీదా వ్యక్తులే కావాలని పట్టణం ఆశిస్తోంది.చైర్మన్ పదవిని సాధించేందుకు ఇప్పటికే పలువురు రాజకీయ వ్యక్తులు చురుకుదనం పెంచినా, ప్రజల చర్చ మాత్రం మరో దిశలో సాగుతుంది—“అధికారాలు ఎవరి చేతిలో ఉన్నా పనిచేయగల టీమ్ కావాలి. మాటలు కాదు… మట్టిలో పని చేసినవాళ్లు కావాలి.”ఈ మాటలన్నీ ఒక దారిని చూపిస్తున్నాయి:పరకాల మున్సిపాలిటీ కుర్చీలో వచ్చే నాయకుడు—పార్టీ పెద్ద కాదు, ప్రజల మనిషే కావాలి.