పైడిపల్లి సర్పంచ్ గా నామినేషన్ వేసిన పసుల బిక్షపతి..

పరకాల, డిసెంబర్ 01 (పిసిడబ్ల్యూ న్యూస్): పరకాల మండలం
సోమవారం రోజు నాగారం క్లస్టర్ పరిధిలోని నాగారం, పైడిపల్లి, మల్లక్ పేట్ గ్రామాలకు సంబంధించిన సర్పంచ్ నామినేషన్ల స్వీకరణ కేంద్రాన్ని జిల్లా అదనపు కలెక్టర్ వెంకట్ రెడ్డి పరిశీలించారు. ఈ సందర్భంగా సంబంధిత అధికారులకు ఆయన సూచనలు, సలహాలు అందించారు. నామినేషన్ల స్వీకరణ ప్రక్రియ పారదర్శకంగా, నిబంధనలకు అనుగుణంగా కొనసాగించాలని ఆదేశించారు.
ఈ సందర్భంగా పైడిపల్లి గ్రామానికి చెందిన పసుల బిక్షపతి బీజేపీ తరఫున సర్పంచ్ పదవికి నామినేషన్ దాఖలు చేశారు. ఆయనతో పాటు బీజేపీ నేతలు డాక్టర్ కాళీ ప్రసాద్ రావు, జయంత్ లాల్ తదితరులు పాల్గొన్నారు.