మానసా దేవి అలంకారము తో భక్తులకు దర్శనం ఇచ్చిన వాసవి కన్యకాపరమేశ్వరి అమ్మవారు..

ఖమ్మం  (పి సి డబ్ల్యూ న్యూస్ ప్రతినిధి): ఖమ్మం గుట్టల బజారు శ్రీ వాసవి కన్యకాపరమేశ్వరి దేవ్యాలయము 48వ శరన్నవరాత్రోత్సవములో భాగంగా శనివారం శ్రీ మానసా దేవి అలంకారము తో వచ్చిన భక్తులకు దర్శనమిచ్చారు . సుప్రభాతసేవ గణపతి పూజ , మండపార్చనలు , అమ్మవారి ఉత్సవ మూర్తికి పంచామృతాభిషేకములు , అర్చన , నవగ్రహ జపములు , నవగ్రహ ఆరాధనలు , కోవెల సేవ , అమ్మవారికి కుంకుమార్చన , అవతార మూర్తి సహిత మూలమంత్రపూర్వక , అలంకార దేవతా హవనములు , నరఘోష శతృఘోష , పరిహారార్ధం “మహాసుదర్శన హోమములు”, సర్వాభివృద్ధికై “ఆదిత్యాది నవగ్రహ హవనములు” వంటి కార్యక్రమాలను నిర్వహించారు . ముఖ్యఅతిథిగా జడ్జి శ్రీ జి రాజగోపాల్ – విద్యులత దంపతులు పాల్గొన్నారు . వారిని కమిటీ సభ్యులు ఘనంగా సత్కరించారు . ఈ కార్యక్రమంలో అధ్యక్షులు మేళ్ళచెర్వు వెంకటేశ్వరరావు , ప్రధాన కార్యదర్శి దేవత అనిల్ కుమార్ , కోశాధికారి కొత్తమాసు హేమసుందరరావు తదితరులు పాల్గొన్నారు.