చౌట్పర్తిలో వరి ధాన్యం కొనుగోలు కేంద్రం ప్రారంభం

నడికూడ, ఏప్రిల్ 3 (పిసిడబ్ల్యూ న్యూస్):దళారి వ్యవస్థను అరికట్టేందుకే వరి ధాన్యం కొనుగోలు కేంద్రాలను ఏర్పాటు చేయడం జరిగిందని ఏపీఎం రమాదేవి అన్నారు. బుధవారం మండలంలోని చౌట్పర్తి గ్రామంలో సహకార సంఘం ఆధ్వర్యంలో ఏర్పాటు చేసిన వరి ధాన్యం కొనుగోలు కేంద్రాన్ని ఆమె ప్రారంభించారు. అనంతరం మాట్లాడుతూ, కొనుగోలు కేంద్రాలను రైతులు సద్వినియోగం చేసుకోవాలని చెప్పారు. రైతులు పండించిన పంటలకు ప్రభుత్వం గిట్టుబాటు ధర కల్పిస్తుందన్నారు. ఈ కార్యక్రమంలో ప్రజాప్రతినిధులు రైతులు పాల్గొన్నారు.