తొర్రూర్, ఏప్రిల్ 3 ,( పిసిడబ్ల్యూ న్యూస్); భానుడి ప్రతాపం రోజురోజుకు పెరుగుతుందని ఈ వేసవిలో ఉష్ణోగ్రతలు పెరిగే అవకాశం ఉన్నందున గ్రామాలలోని గర్భిణీ స్త్రీలు, బాలింతలు, చిన్నపిల్లలు జాగ్రత్తలు పాటించాలని ప్రాథమిక ఆరోగ్య కేంద్రం నెల్లికుదురు వైద్యురాలు శారద తెలియపరిచారు. వేసవిలో తీసుకోవాల్సిన జాగ్రత్తలపై పి సి డబ్ల్యూ న్యూస్ జర్నలిస్ట్ మనోహర్ స్వామి వైద్యురాలు శారద తో ముఖాముఖి. గత వేసవి కాలం కన్నా ఈ సంవత్సరం ఉష్ణోగ్రతలు అధికంగా ఉంటాయని అత్యవసరమైతేనే వృద్ధులు ,గర్భిణీ స్త్రీలు, బాలింతలు, ప్రయాణాలు చేయాలని కోరారు. గృహంలో చల్లటి ప్రదేశం ఏర్పాటు చేసుకొని విశ్రాంతి తీసుకోవాలని సూచించారు. ప్రయాణాలు చేసి వచ్చిన వెంటనే మంచినీటిని సేవించకుండా 15 నిమిషాలు వేచి ఉండి అనంతరం మంచినీటి సేవించాలని లేనిపక్షంలో శరీరంలో ఉన్న ఉష్ణోగ్రతలకు వాంతులు, విరోచనాలు అయ్యే అవకాశాలు ఉన్నాయని అన్నారు. వీలైనంతవరకు పగలు 12 నుండి సాయంత్రం 4 గంటల వరకు ఇంట్లో వంట గదిలో కూడా ఉండకుండా చూసుకోవాలని అన్నారు. వేసవికాలంలో చల్లటి పానీయాలు కూల్ డ్రింక్స్, టీ కాఫీలకు దూరంగా ఉంటే మంచిది అన్నారు. శరీరంలో ఉష్ణోగ్రతలు 40 కన్నా ఎక్కువగా ఉన్నప్పుడు విపరీతమైన చెమట, దాహం వేయడం శరీర బలహీనత, తల తిరిగినట్లుగా అనిపించడం, కండరాలు పట్టేసినట్లుగా లక్షణాలు కనిపిస్తే వెంటనే దగ్గరలోని ఆసుపత్రులకు వెళ్లాలని అన్నారు.ఈ వేసవిలో అజాగ్రత్తగా ఉండి ప్రయాణాలు చేసి ఇబ్బందులు కొనితెచ్చుకోవద్దని ప్రత్యేకంగా సూచించారు.
[td_block_social_counter facebook="#" twitter="#" youtube="#" style="style8 td-social-boxed td-social-font-icons" tdc_css="eyJhbGwiOnsibWFyZ2luLWJvdHRvbSI6IjM4IiwiZGlzcGxheSI6IiJ9LCJwb3J0cmFpdCI6eyJtYXJnaW4tYm90dG9tIjoiMzAiLCJkaXNwbGF5IjoiIn0sInBvcnRyYWl0X21heF93aWR0aCI6MTAxOCwicG9ydHJhaXRfbWluX3dpZHRoIjo3Njh9" custom_title="Stay Connected" block_template_id="td_block_template_8" f_header_font_family="712" f_header_font_transform="uppercase" f_header_font_weight="500" f_header_font_size="17" border_color="#dd3333" manual_count_twitter="85687" manual_count_youtube="66686" manual_count_facebook="87567"]