గ్రామ ప్రత్యేక అధికారి గా పెద్ది ఆంజనేయులు

పరకాల, ఏప్రిల్ 1(పిసిడబ్ల్యూ న్యూస్):పరకాల మండలంలోని మల్లక్క పేట గ్రామపంచాయతీ ప్రత్యేక అధికారిగా పెద్ది ఆంజనేయులు సోమవారం బాధ్యతలు స్వీకరించారు. ఈ మేరకు జిల్లా కలెక్టర్ ఆదేశాల మేరకు పరకాల మండల పరిధిలోని మల్లక్క పేట గ్రామ పంచాయతీ ప్రత్యేక అధికారి గా నియమించ బడిన విన్సెంట్ బాబు బదిలీపై వెళ్లగా.., మండల పరిషత్ అభివృద్ధి అధికారిగా పెద్ది ఆంజనేయులును పదవి బాధ్యతలు చేపట్టారు. ఈ సందర్భంగా పెద్ది ఆంజనేయులు మాట్లాడుతూ గ్రామంలో ఎలాంటి సమస్యలు తలెత్తకుండా ఉండేందుకు సాధ్యమైనంత వరకు కృషి చేస్తానని, ప్రజా ప్రతినిధులు అందరూ సహకరించాలని విజ్ఞప్తి చేశారు. ఈ కార్యక్రమంలో మండల పంచాయతీ అధికారి ఇమ్మడి భాస్కర్, పంచాయతీ కార్యదర్శి ఓ శైలజ, గ్రామ పంచాయతీ సిబ్బంది తదితరులు పాల్గొన్నారు.