ప్రభుత్వ జూనియర్ కళాశాలను సందర్శించిన ఇంటర్మీడియట్ నోడల్ అధికారి.

తెలంగాణ/కామారెడ్డి-బీర్కూర్ పిసీడబ్ల్యూ న్యూస్ ప్రతినిధి..

కామారెడ్డి జిల్లా బీర్కూర్ మండల కేంద్రంలోని ప్రభుత్వ జూనియర్ కళాశాలను ఇంటర్మీడియట్ నోడల్ అధికారి షేక్ సలాం సందర్శించారు. కళాశాల రిజిస్టర్లను తనిఖీ చేశారు. అలాగే కళాశాల ప్రిన్సిపాల్ మోహన్ రెడ్డితో కలిసి ప్రతి తరగతి గదికి తిరుగుతూ అధ్యాపకులు చెప్పే పాఠ్యాంశాలను పరిశీలించి విద్యార్థులకు ప్రశ్నలు అడగి తెలుసుకున్నారు.సిబ్బందితో మీటింగ్ ఏర్పాటు చేసి తగు సూచనలు, సలహాలు ఇచ్చారు. ఈ సందర్భంగా నోడల్ అధికారి మాట్లాడుతూ. కళాశాల వాతావరణం బాగుందని, విద్యార్థుల సంఖ్య పెరిగే విధంగా కృషి చేయాలని, అందరు కలిసి కళాశాలను అభివృద్ధి చేయాలని, ఎలాంటి సమస్య ఉన్న తమ దృష్టికి తీసుకురావాలని చెప్పారు. పాఠ్యాంశాలను సిలబస్ ప్రకారం పూర్తి చేసుకుంటూ విద్యార్థుల్లో పరీక్షల భయం లేకుండా ఎప్పటికప్పుడు పరీక్షలు నిర్వహిస్తూ మంచి ఉత్తీర్ణత శాతం వచ్చే విధంగా కృషి చేయాలని కోరారు. ఈ కార్యక్రమంలో కళాశాల ప్రిన్సిపాల్ మామిళ్ళ మోహన్ రెడ్డి, అధ్యాపకులు అక్కం విష్ణు, చంద్రశేఖర్, సతీష్, సౌమ్య, దేవి సింగ్ , శ్యాంసుందర్, కళాశాల జూనియర్ అసిస్టెంట్ అబ్దుల్ రజాక్ పాల్గొన్నారు..