పరకాలలో ఓటు హక్కు వినియోగించుకుంటున్న ఆర్టీసీ కార్మికులు

పరకాల, అక్టోబర్ 09 (పిసిడబ్ల్యూ న్యూస్) : హనుమకొండ జిల్లా పరకాల పట్టణంలో ఆర్టీసీ కార్మికుల యూనియన్ ఎన్నికల సందర్భంగా కార్మికులు తమ ఓటు హక్కును వినియోగించుకుంటున్నారు. ఎన్నికల ప్రక్రియలో భాగంగా కార్మికులు పోలింగ్‌ కేంద్రానికి చేరుకుని తమకు నచ్చిన యూనియన్‌కు ఓటు వేస్తున్నారు. ప్రజాస్వామ్య పద్ధతిలో జరుగుతున్న ఈ ఎన్నికల్లో కార్మికులు ఉత్సాహంగా పాల్గొంటున్నారు. కార్మికుల హక్కులు, సంక్షేమం, సమస్యల పరిష్కారానికి ప్రాధాన్యత ఇచ్చే నాయకత్వాన్ని ఎన్నుకునేందుకు తమ ఓటు హక్కును వినియోగించుకుంటున్నారు. పోలింగ్‌ ప్రక్రియ సజావుగా కొనసాగుతోంది. ఎన్నికల ఫలితాలపై ఆర్టీసీ కార్మికుల్లో ఆసక్తి నెలకొంది. టోటల్ ఓట్లు 242 ఉన్నట్లు అధికారులు తెలిపారు.